Papankusha Ekadashi 2026: Date, Vrat Katha, Parana Time & Importance

Papankusha Ekadashi ko Ashwina Shukla Ekadashi bhi kehte hain. Papankusha Ekadashi 2026 me 22 October, Monday ko manayi jayegi.

Ye Ekadashi Ashwin mahine me, shukla paksha ke 11ve din ati hai, jis din chandrma badte charan me hota hai, jo Gregorian calendar ke hisab se September-October hai.

Is din bhakt, mainly Vaishnav samuday ke log, bhakti bhav se 24 ghante ka vrat rakhte hai. Yeh vrat bhakto ke jeevan me dher sari khushiyan or samriddhi lata hai.

Papankusha Ekadashi vrat, Bhagwan Vishnu ke dusre avatar Bhagwan Padmanabh ke liye kiya jata hai. Is din bhakt puri shraddha or khushi se bhagwan ki puja krte hai.

Yeh ekadashi vrat rakhne se aap sabhi ko Bhagwan Padmanabh ka aashirwad milta hai or sabhi sukh suvidhaye bhi.

To aaj hum is blog me, Ashwin Papankusha Ekadashi ke bare me detail me bate karenge, iske vrat vidhi, vrat kholne ka time, niyam, mahatava, or iske dher sare labh.

Pashankusha Ekadashi 2026 Date and Parana Time

Papankusha Ekadashi Thursday, October 22, 2026 ko hai.

• Parana Time: On 23 rd Oct, Parana Time – 07:38 AM to 09:41 AM
• On Parana Day Dwadashi End Moment – 10:05 AM

Ekadashi Tithi Start: 09:41 AM on Oct 21, 2026,
Ekadashi Tithi End: 10:17 AM on Oct 22, 2026

Dhyan de, Ekadashi ka vrat dwadashi tithi ke samapt hone se pehle hi tod lena chahiye.

Sabse jaruri, vrat hari vasar ke dauran nahi todna chahiye, jo dwadashi ki chauthi avadhi hai. Vrat todne ka sabse acha samay subh ka samay hai.

Papankusha Ekadashi Kya Hai?

Papankusha shabd ek Sanskrit shabd hai, jisme ‘Pasha’ ka matlab hai ‘Bandhan’, or ‘Ankush’ ka matlab hai ‘Ankhush’. Dono shabdo ko sath milakar ye paap or bhautik aashkati ke bandhan ko dur karne ka pratik hai.

Jo bhi bhakt is din puri shradha se iska vrat karte hai, yeh vrat unki aatma ko sanchit karmo se shudh karne ki kshamta ko dikhata hai.

Aisa kaha jata hai ki ye vrat karne se bhakto ko lambi umra, dhan, bure karmo se raksha or adhyatamik safalta prapt hoti hai.

Shastro ke anusar, jo vyakti puri shradha or nishta se is din upwas karte hai, wo na kewal apne pichle paapo se mukt hote hai, balki unhe apne parivar ke kalyan or jeevan ke sangharsho par vijay prapt hoti hai.

Log is din subha suryodaya se leke Suryast tak vrat rakhte hai, bhagwan vishnu ki puja karte hai, Vishnu sahsranamam ka path karte hai or daan-punya karte hai.

Is din ko or pavitra bnane ke liye aap jaruratmand logo ko bhojan, kapde, rehne ke liye jagah, brahmin ya pandito ko jarurat ki cheeje daan kar sakte hai.

Ye karne se bhagwan vishnu ki aap sabhi par aasim kripa hoti hai, jisse apke purvaj ki diwangat aatma ko mukti or moksha milta hai.

Papankusha Ekadashi Kyon Manate Hai?

Papankusha Ekadashi ka mahatava, Mahabharat kaal me khud Bhagwan Shri Krishna ne Dharmaraaj Yudhisthir ko bataya tha.

Unhone yeh kaha ki Ekadashi vrat sabhi prakar ke papo ka naash karti hai or galat karya karne se bachati hai. Is din vrat rakhne se ek vyakti ko dhan, maan-samaan aur moksha ki prapti hoti hai.

Is Ekadashi ke avsar par, bhagwan ki sacche man se puja karni chahiye aur brahmino ko samaan or jaruratmand logo ko daan karna chahiye. Or saath hi, is din kewal fal-ful hi khane chahaiye khush man se aur swasth sharir ke liye.

Iske alawa ap is din or bhi sewa kar sakte hai, jaise Gau seva, bacho ko bhojan karana, mandir me sewa, bhagwan ki sewa, or bhi bhut kuch.

Daan hi ek matra cheej hai jo yeh tay karta hai ki vyakti ki sari sansarik sampati bhagwan ki sewa ka madhyam ban jaye.

Vedic grantho ke anusar, Papankusha ekadashi ko aap is prakar samajh sakte hai:

• Vrat rakhne wale ki aatma ko mukti ka mauka milta hai.
• Yeh vrat parivar or khud ki safalta, shanti, or samanjasya lata hai.
• Yeh vrat bhagwan vishnu ka aashirwad prapt karne ka awsar deta hai.
• Yeh jeevan ke param uddeshya or moksha ko prapt karne me madad karta hai.

Yeh Ekadashi vrat sirf ek anushthan nahi, balki ek adhyatamik unnati kyunki vedic grantho ke anusar yeh ek vrat Ashwamedh yagya ke saman fal pradan karta hai.

Primary Deity of Papankusha Ekadashi 

Bhagwan Padmanabh Papankusha Ekadashi ke adishth devta hai, jo bhagwan vishnu ke hi roop hai. Wo ksheer sagar me anant ke palang par lete hue hai or unki nabhi se kamal nikla hua hai.

Us kamal ke upar bhagwan Brahma virajman hai or dhan, sobhagya or samriddhi ki devi, mata lakshmi, bhagwan padmanabh ke charano me virajman dikhayi deti hai.

Bhagwan Vishnu or Padmanabh brahmand ke rakshak aur sarankshak hai. Unhone prithvi ko har prakar ke adharma, paap or atyacharo se bachane ke kai avatar liye hai.

Papankusha Ekadashi vrat ka sache man se palan karne wale bhakt pe bhagwan apni assem kripa prapt hoti hai.

Puja Vidhi of Papankusha Ekadashi 2026

Papankusha Ekadashi ke din Bhagwan Shri Padmanabh ko virajman kiya jata hai. Is shubh din unki puja karne se unki vishesh kripa prapt hoti hai.

Aisa mana jata hai ki bhagwan Vishnu ki Garud pe virajman murti ya photo rakhne se unki divya kripa prapt hoti hai.

1. Papankusha ekadashi ke din subah snan karne ke baad bhakt ko vrat rakhne ka sankalp lena chahiye.
2. Ghee ka diya lagakar, tulsi ke patte or taaje phul bhagwan ko arpit kare. Murti par chandan ka tilak lagaye.
3. Agar apke ghar me shaligram hai, to is shubh din par tusli, jal, or panchamrit (taaja gay ka dudh, shahad, dahi, ghee, or chini ka mishran) se Shaligram ka abhishek karke uski puja kare or chandan tilak lgaye.
4. Ekadashi ke din Devi Lakshmi or Tulsi Ji ki bhi puja ki jati hai.
5. Apni puja chauki par is din vishesh bnayi gayi vedi par Bhagwan Vishnu ko bhog lagaye.
6. Bhagwan Vishnu or Padmanabh ke mantro ka jaap kare, unki stuti kare, or aarti kare.
7. Vrat ke pure din adhyatamik avastha me rahe—Vishnu sahasranama ka path karna punyakari mana jata hai. Din me sona varjit hai.
8. Sham ko pure parivar ke sath aarti kare.
9. Pure rat jage rahe, mantro ka jaap kre, bhakti geet gaye ya Shri Padmanabh ke bhajan sune.
10. Dwadashi ke din subh bhagwan ka pujan kare, bhog, or tulsi patta arpit kare.
    Aap prankaal ke dauran parivar or mitro ke sath vrat tod sakte hai.

Papankusha Ekadashi Puja & Vrat Mantras

Papankusha Ekadashi ke din Bhagwan Vishnu ki puja Krishna mantra ka jaap kiya jata hai.

Mantras:-

• Om Namo Narayanaya
• Om Namah Bhagavate Vasudevaya
• Hare Krishna, Hare Krishna, Krishna Krishna Hare Hare,
  Hare Ram Hare Ram, Ram Ram Hare Hare

Spiritual Benefits of Pashankusha Ekadashi 2026

Papankusha Ekadashi karne wale bhakto ko anek Adhyatamik or Bhautik labh prapt hote hai:

1. Aatma Mukti

Papankusha Ekadashi vrat rakhne se bhakto ko sabhi bhautik bandhano se mukti milti hai. Bhakta ki aatma, aur sath hi unke purvajo ki aatma bhi jan-mrityu ke chakra se mukt ho jati hai.

2. Sanrakshan aur Samrddhi

Yeh Vrat rakhne or bhagwan Vishnu ki shraddhapurvak puja karne walo logo ko bhagwan ka aashirwad or suraksha prapt hoti hai. Aise bhakto par dhan, sukh, or safalta ki varsha hoti hai.

3. Shaanti aur Svaasthy

Is Ekadashi ke din vrat rakhne se sharir ki suddhi hoti hai, vahi prarthna or bhakti se man ko shanti or spashta milti hai.

Aisa kaha jata hai ki yeh vrat sharirik swasthya or mansik santulan dono ko badhava deta hai.

4. Collective Benefits

Kai Varishth bhakto ka kehna hai ki yeh vrat rakhne se na keval upwas rakhne wale vyakti ko labh hota hai, balki pure parivar ko bhi ashirwad milta hai.

Papankusha Ekadashi Vrat Ka Mahatav

Pehle humne Papankusha ekadashi ke mahatava ke bare me btaya, lekin kya apko pata ki is Ekadashi ka vrat itna mahatava kyu rakhta hai? Papankusha Ekadashi vrat ka palan sabse jaruri hota hai.

Prachin grantho ke anusar, isko karne se 100 surya yagya, 1000 ashwamedh yagya, or pure teerth sthalo ki yatra karne ke saman punya milta hai.

Bhakt ko sukhi, swasth, safal, or bhautik roop se santusht jeevan ki prapti hoti hai. Is Ekadashi vrat ka palan karne se bhakto ke paap dhul jate hai, adhyatamik utthan hota hai, or jeevan ke aant me janma-mrityu ke chakra se mukti milti hai.

Papankusha Ekadashi Shri Padmanabh Swamy ka aashirwad pradan karti hai or bhakto or uske pariwar ki raksha karti hai.

Is Ekadashi vrat ka savdhanipurvak palan karne se pita aur mata dono ki or se purvajo ki pidiyo ke paap dhul jate hai aur bhakto ki manokamna puri hoti hai. Is shubh din daan karne se aap narak me jane se bach jate hai.

Vrat Katha of Papankusha Ekadashi (Story of Krodhana)

Papankusha Ekadashi ki Vrat katha ke anusar, Vindhya parvat me Krodhana naam ka ek bhut hi hinsak shikari rehta tha.

Usne apna pura jeevan sirf hinsa karne, pashuo ko marne or paap karmo me lipt rahne me vyatit kiya.

Lekin vriddhavyashta me use mrityu ke devta Yamraj ke dand ka dar satane laga. Mukti ki talash me bhatakata hua Krodhana van ashram me mahan rishi Angira ke paas phucha.

Wo rishi ke charano me gir pada or unse pucha ‘Rishiwar, maine apne pure jeevan me sirf paap kiye hai. Kya koi aisa upay hai jisse me narak ki yatnao se bach saku?’

Apni karuna ke liye prasiddh Rishi Angira ne shikari ko Ashwin maah ke Shukla Paksha me padne wale Papankusha Ekadashi vrat ka palan karne ko kaha.

Shikari ne puri shraddha ke sath unke nirdaesho ka palan kiya. Usne upwas rakha, puri rat jagkar bhagwan vishu ki aradhana ki.

Is vrat ke prabhav se uske sabhi paap ankush ki tarah nasht ho gye. Apne jeevan ke ant me Krodhana ne divya roop dharan kiya or Vaikunth deh ko dharan kiya.

Fasting Rules & Additional Guidelines

Nirjal Vrat: Is vrat me pure din kuch bhi khaya piya nhi jata hai. Adhiktar bhakt isi kathin vrat ka palan karte hai.

Falahari Vrat: Is vrat me pure din sirf fal, dudh, or sukhe mewe khaye ja sakte hai.

Vrat ke dauran khaye jane wale cheejo me aap jaise Sabudana, aalu, shakarkand, or mewe, ye sab kha sakte hai.

Additional Guidelines:

• Tamsic khana, pyaj, or lehsun khane se bache.
• Daal, faliyo, or anaj se parhej kare.
• Parana ke samay bate na kare or sone se bache.

Papankusha Ekadashi Puja me 99Pandit Kaise Madad Karta Hai?

99Pandit ek online platform hai jo logo ko pandit se jodta hai, hamari team adhyatamik margdarshan aur sahayak vyavstha pradan karke Papankusha Ekadashi vrat ka palan aasan bnata hai, jisse aap apna mangal karya sahi vidhi se pura kar sake.

Certified Vedic Pandits: 99Pandit ki team apko padmanabh puja me vishesh anubhavi pandit se jodte hai, jo sankalp se lekar shodashopachar tak har mantra or puja ka shi tarah se palan sunishchit karte hai.

Precise Muhurat Timing: Apke vrat ka purna punya sunishchit karne ke liye, hmari team vrat ke shuru hone or Parana karne ka sahi time btati hai.

Vrat Katha & Chanting: Hmare pandit Papankusha Ekadashi vrat katha ka path karte hai or vishnu sahasranam jaise shaktishali mantra ka jaap karke apke ghar me adhyatamik urja bhar dete hai.

Flexible Service Options: Chahe apko Germany me ya Bangalore me pandit ji ki jrurat ho ya virtual tarike, hum apki suvidhanusar apko service pradan karte hai.

Samagri & Daan Guidance: Hum jaruri samagri ki ek complete list pradan karte hai or puja ke bad kiye jane wale sabse punyakari daan ke bare me bhi salah dete hai.

Conclusion

Papankusha Ekadashi ek bhut hi shaktishali Ekadashi hai jo man or aatma ko puri tarah se shuddha karti hai.

Vrat rakhne, jruratmando ki sahayata karne or bhagwan vishnu ki shraddhapurvak puja karne se mrityu ke bad moksha prapt hota hai.

Is din bhakt bhagwan ki vedi ko sajate hai, or unhe ful or kai prakar ke bhog arpit krte hai. Is din bhakt hare krishna mahamantra ka jaap karte hai, Bhagwad Gita padte hai or shri harinam sankirtan me bhag lete hai.

To agar ap bhi apne paap karmo or bojh ko dur karna chahte hai, to puri shraddha ke sath Papankusha Ekadashi ka vrat kare or Bhagwan ki bhakti me leen ho jaye.

Agar apko puja se sambandhit kisi prakar ki information ya support chahiye to 99Pandit visit kare.

100% FREE CALL TO DECIDE DATE(MUHURAT)

Book a Pandit

Book a Pandit