Hanuman Ashtak Lyrics : संकट मोचन हनुमानाष्टक

|| हनुमान अष्टक ||

बाल समय रवि भक्षी लियो तब,
तीनहुं लोक भयो अंधियारों ।
ताहि सों त्रास भयो जग को,
यह संकट काहु सों जात न टारो ।
देवन आनि करी बिनती तब,
छाड़ी दियो रवि कष्ट निवारो ।
को नहीं जानत है जग में कपि,
संकटमोचन नाम तिहारो ॥ 

बालि की त्रास कपीस बसैं गिरि,
जात महाप्रभु पंथ निहारो ।
चौंकि महामुनि साप दियो तब,
चाहिए कौन बिचार बिचारो ।
कैद्विज रूप लिवाय महाप्रभु,
सो तुम दास के सोक निवारो ॥ 

अंगद के संग लेन गए सिय,
खोज कपीस यह बैन उचारो ।
जीवत ना बचिहौ हम सो जु,
बिना सुधि लाये इहाँ पगु धारो ।
हेरी थके तट सिन्धु सबै तब,
लाए सिया-सुधि प्राण उबारो ॥ 

रावण त्रास दई सिय को सब,
राक्षसी सों कही सोक निवारो ।
ताहि समय हनुमान महाप्रभु,
जाए महा रजनीचर मारो ।
चाहत सीय असोक सों आगि सु,
दै प्रभुमुद्रिका सोक निवारो ॥ 

बान लग्यो उर लछिमन के तब,
प्राण तजे सुत रावन मारो ।
लै गृह बैद्य सुषेन समेत,
तबै गिरि द्रोण सु बीर उपारो ।
आनि सजीवन हाथ दई तब,
लछिमन के तुम प्रान उबारो ॥ 

रावन युद्ध अजान कियो तब,
नाग कि फाँस सबै सिर डारो ।
श्रीरघुनाथ समेत सबै दल,
मोह भयो यह संकट भारो 
आनि खगेस तबै हनुमान जु,
बंधन काटि सुत्रास निवारो ॥

बंधु समेत जबै अहिरावन,
लै रघुनाथ पताल सिधारो ।
देबिहिं पूजि भलि विधि सों बलि,
देउ सबै मिलि मन्त्र विचारो ।
जाय सहाय भयो तब ही,
अहिरावन सैन्य समेत संहारो ॥

काज किये बड़ देवन के तुम,
बीर महाप्रभु देखि बिचारो ।
कौन सो संकट मोर गरीब को,
जो तुमसे नहिं जात है टारो ।
बेगि हरो हनुमान महाप्रभु,
जो कछु संकट होय हमारो ॥

॥ दोहा ॥

लाल देह लाली लसे,
अरु धरि लाल लंगूर ।
वज्र देह दानव दलन,
जय जय जय कपि सूर ॥

|| Hanuman Ashtak ||

Bal samay Ravi bhakshi liyo tab,
Teenhu lok bhayo andhiyaron.
Tahi son trasa bhayo jag ko,
Yeh sankat kahu son jaat na taaro.
Devan aani kari binti tab,
Chhaadi diyo Ravi kasht nivaaro.
Ko nahin jaanat hai jag mein kapi,
Sankatmochan naam tiharo ||

Bali ki trasa kapis basain giri,
Jaat mahaprabhu panth nihaaro.
Chauki mahamuni saap diyo tab,
Chaahie kaun bichaar bichaaro.
Kaidvij roop livaay mahaprabhu,
So tum daas ke sok nivaaro ||

Angad ke sang len gaye siya,
Khoj kapis yah bain uchaaro.
Jeevat na bachihau hum so ju,
Bina sudhi laaye ihaan pagu dhaaro.
Hari thake tat sindhu sab tab,
Laaye Siya-sudhi pran ubaaro ||

Ravan trasa dai Siya ko sab,
Raakshasi son kahi sok nivaaro.
Tahi samay Hanuman Mahaprabhu,
Jaaye maha rajnichar maaro.
Chaahat Siya Asok so aagi su,
Dai prabhu Mudrika sok nivaaro ||

Baana lago ur Lachhiman ke tab,
Pran taje sut Ravan maaro.
Lai griha baidya Susheen samet,
Tabai giri dron su bir upaaro.
Aani sajeevan haath dai tab,
Lachhiman ke tum pran ubaaro ||

Ravan yudh ajaan kiyo tab,
Naag ki phaas sabai sir daaro.
Shri Ramchandra samet sabai dal,
Moh bhayo yeh sankat bhaaro.
Aani khages tabai Hanuman ju,
Bandhan kaati sutraas nivaaro ||

Bandhu samet jabai Ahiravan,
Lai Ragunath pataal sidhaaro.
Debihin pooji bhali vidhi son bali,
Deu sabai mili mantra vichaaro.
Jai sahaay bhayo tab hi,
Ahiravan sena samet sanhaaro ||

Kaaj kiye bada devan ke tum,
Bir mahaprabhu dekhi bichaaro.
Kaun so sankat mor gareeb ko,
Jo tumse nahin jaat hai taaro.
Begi haro Hanuman Mahaprabhu,
Jo kachu sankat hoye hamaaro ||

|| Doha ||

Laal deh laali lase,
Aru dhari laal langur.
Vajra deh daanav dalan,
Jai jai jai kapi soor